మన కొత్తవలసలో ఈ సంవత్సరం మన శ్వాస ఆర్గనైజేషన్ (రెడ్ స్టార్ యూత్) ఆధ్వర్యం లో సంక్రాంతి సంబరాలు ఘనంగా నిర్వహించుకొన్నాం. మన సంస్కృతి సంప్రదాయాలను పునరుద్ధరించడానికి వివిధ కార్యక్రమాలు, మహిళలకు ముగ్గుల పోటీలు, పిల్లలకు సంప్రదాయ ఆటల పోటీలు మరియు ముగ్గుల పోటీల విజేతలకు ప్రధమ, ద్వితీయ, తృతీయ బహుమతులు అందజేశారు. పోటీలలో పాల్గొన్న వారందరికీ ప్రోత్సాహక బహుమతులను అందించారు.
ఈ సంక్రాంతి వేడుకలు అంబరాన్నంటాయి. చిన్నాపెద్దా తేడాలేకుండా అంతా సంక్రాంతి సంబరాల్లో మునిగిపోయారు. అందంగా తీర్చిదిద్దిన రంగవల్లులు, గొబ్బెమ్మలు, పిండివంటల ఘుమఘుమలతో కొత్తవలసలో పండుగ శోభాయమానంగా జరిగింది. మకర సంక్రాంతి ప్రజలకు కొంగొత్త ఉత్సాహాన్ని తీసుకొచ్చింది. బంధాలను, మమతానురాగాలను ఇనుమడింప జేసింది. ఎక్కడ చూసినా పండుగ ఉత్సాహమే కనిపించింది. మహిళలు తెల్లవారుజామునే ముంగిళ్లలో అందంగా రంగవల్లులను తీర్చిదిద్దారు. వాటిపై గొబ్బెమ్మలను పెట్టారు. సంక్రాంతి పండుగ శోభాయమానంగా జరిగింది. పిండివంటల ఘుమఘుమలు వాడవాడలా వ్యాపించి నోరూరించాయి. ఒకవైపు సంక్రాంతి సంబరాలు.. మరోవైపు.. బోకాట జోరు.. బెట్టింగ్‌ల హోరు. . వీటికితోడు ప్రత్యేకమైన పిండివంటకాలు.
ఏడాదికి ఒక్కసారి మనందరం కలసి ఎంతో ఆనందంగా జరుపుకునే ఈ సంబరాలు ఏడాదంతా ఆనందంగా ఉంచాలని.., మన మనసులలో ఉండే కలతలను తొలగించాలని... ప్రతి ఏడాది ఇలా సంతోషంగా జరుపుకోవాలని... మన శ్వాస... ఆశ - ఆశయం 😊😊😊 మన రెడ్ స్టార్ యూత్ 🙆🙋🙌
